Иқдоми «Амонатбонк» барои занҳои ҳунарманд

Душанбе, 6.03.2014. (АМИТ «Ховар», Фарзонаи Давлат).- Бонки давлатии амонатгузории Ҷумҳурии Тоҷикистон «Амонатбонк»  (БДА ҶТ) бахшида ба Рӯзи Модар иқдоми идонаро барои занҳои ҳунарманд ҷорӣ карда, қарзҳои хурдро пешниҳод намудааст.
Тавре ки дар ин бора аз БДАҶТ «АМонатбонк» хабар доданд, иқдоми мазкур  ҷиҳати эҳё намудани анъанаҳои миллӣ ва рушди минбаъдаи ҳунарҳои мардумӣ, аз зумраи зардӯзӣ, гулдӯзӣ, ҷомадӯзӣ, ҷӯроббофӣ ва ғайра, ки занҳо онро дар хона низ ба анҷом расонида метавонанд, ҷудо намудани қарзҳои хурди имтиёзноки бонкиро барои занҳои хонанишини ҳунарманд ба роҳ мондааст. 
Гуфта мешавад, ки хоҳишмандон метавонанд ҷиҳати дастрасӣ ба иқдоми мазкур ба наздиктарин филиали «Амонатбонк» муроҷиат намоянд.