Ифтитоҳи озмоишгоҳи нав кафили бехатарии маҳсулот

Март 28, 2014 12:11

Душанбе, 28.03.2014. (АМИТ «Ховар»,Фарзона Достонзода).- Дар доираи татбиқи нақшаи чорабиниҳо оид ба иҷрои дастуру супоришҳои Президенти Ҷумҳурии Тоҷикистон вобаста ба анҷом додани корҳои ташкилӣ ҷиҳати ба тариқи расмӣ кушодани гузаргоҳи сарҳади давлатии «Хумроғӣ» дар ноҳияи Ванҷи Вилояти Мухтори Кӯҳистони Бадахшон мутобиқи банди 5-и Низомномаи тартиби амалигардонии тиҷорати наздисарҳадӣ дар Ҷумҳурии Тоҷикистон дар нуқтаи тиҷорати наздисарҳадии «Хумроғӣ» назорати дахлдор ташкил шуд.Дар баробари вазорату идораҳои дахлдор аз ҷониби Агентии «Тоҷикстандарт» низ дар ин нуқта озмоишгоҳи ташхисӣ таъсис дода шуд.Тавре ки ба АМИТ «Ховар» аз Агентии Тоҷикстандарт иттилоъ доданд, озмоишгоҳи мазкур бо таҷҳизоти замонавии ташхисӣ ҷиҳозонида шуда, дар пешбурди кори он мутахассисони касбӣ ҷалб шуданд. Ҳамзамон дар фаъолияти озмоишгоҳ усулҳои муосири ташхис ба роҳ монда мешаванд.Дар суҳбат бо мо, мудири шуъбаи баҳодиҳии мутобиқати Раёсати дар ВМКБ фаъолиятдоштаи агентӣ Ф.Лалоенов зикр намуд, ки бо дастгирии роҳбарият ин озмоишгоҳи навтаъсис бо мизу курсиҳо, таҷҳизоти компютерӣ, намудҳои гуногуни дастгоҳҳо ва асбобҳои ташхисии зарурӣ таъмин гардид, то ин ки барои фаъолияти мутахассисон ва гузаронидани ташхисҳои босифат монеае ҷой надошта бошад. Агентии «Тоҷикстандарт» барои дар сатҳи баланд фаъолият намудани озмоишгоҳҳо ва дар ин замина ҳимояи бозори истеъмолӣ аз воридоти маҳсулоти пастсифату ба саломатӣ хатарнок мунтазам тадбирҳои амалӣ меандешанд.

Март 28, 2014 12:11

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд