Иншоотҳои нави Суғд

Хуҷанд, 20.03.2014. (АМИТ «Ховар», Абдуаҳад Шарифзода).- 19 март дар шаҳри Исфараи вилояти Суғд иншоотҳои иҷтимоию иқтисодӣ мавриди истифода қарор гирифтанд. Дар маросими ба истифода додани иншоотҳо раиси вилояти Суғд Абдураҳмон Қодирӣ ширкат дошт.Мувофиқи хабари маъмурияти шаҳри Исфара, кормандони корхонаи «Химзавод» — и шаҳр бинои панҷошёнаи истиқоматии дорои 30 ҳуҷраро ба истифода доданд. Абдураҳмон Қодирӣ дар ҷараёни сафараш ба шаҳри Исфара ба деҳқонон ду ҳазор сертификатро барои истифодаи замин супурда, дар маросимҳои ба кор андохтани шаш иншооти коркарди меваи хушк, маркази ташхиси инфиродӣ, ҳамчунин маркази тиҷоратию дилхушии деҳаи Чилғозӣ иштирок намуд.