Истироҳати шашрӯза дар Наврӯз

Душанбе, 18.03.2014. (АМИТ «Ховар», Лайло Тоирӣ).—Имсол  ба шарафи иди Наврӯз  дар Тоҷикистон шаш рӯз истироҳат эълон гаштааст.
Тавре ки аз Федератсияи иттифоқҳои касабаи ҷумҳурӣ ба мо иттилоъ доданд,  аз 21 то 26 март рӯзҳои истироҳатӣ мебошанд. Тибқи қонун дар иди Наврӯз аз 21 то 24 март, яъне чор рӯз рӯзҳои истироҳатӣ қабул шудаанд, вале имсол аз сабаби он ки  рӯзҳои 22 ва 23 март ба рӯзҳои шанбе ва якшанбе рост омаданд, 25 ва 26 март низ рӯзҳои истироҳатӣ хоҳанд буд. 
Корхонаҳое, ки дар як ҳафта панҷ рӯзи корӣ доранд, имсол шаш рӯз ва корхонаҳое, ки дар як ҳафта шаш рӯзи корӣ доранд, панҷ рӯз истироҳат хоҳанд кард.