«Кадбонуи беҳтарин»-эҳёгари суннатҳои қадимӣ

Душанбе,4.03.2014. (АМИТ “Ховар», Зарангези Латиф).- «Кадбонуи беҳтарин»- таҳти чунин ном бахшида ба Ҳафтаи модар ва таҷлили  Рӯзи бонувон имрӯзҳо байни ҷавондухтарони донишгоҳҳову донишкадаҳо  ва муассисаҳои таълимӣ озмун  ҷараён дорад.
Дар озмун ҷавондухтарон аз ҷониби Вазорати маориф ва илми ҷумҳурӣ, Кумитаи кор бо занон ва оилаи  назди Ҳукумати ҷумҳурӣ, Кумитаи ҷавонон, варзиш ва сайёҳӣ, мақомоти иҷроияи ҳокимияти давлатии ВМКБ, вилоятҳои Суғду Хатлон, шаҳри Душанбе ва шаҳру ноҳияҳои тобеи ҷумҳурӣ ширкат меварзанд.
Ҳадаф аз баргузории озмун ҷалби ҷавондухтарон ба анъана ва расму русум, эҳёи суннатҳои қадимии миллии тоҷикон ва  офаридани симои Зан- Модар, инчунин сайқал додани ҳунару малакаи духтарон дар тайёр намудани тарзи дурусти таомҳои миллӣ мебошад.