Конфронс оид ба маводи мухаддир дар Руминия

Душанбе, 11.03. 2014.(АМИТ «Ховар», Муқаддас Темурзода).- Бо ташаббуси Департаменти назорати маводи нашъаовари ИМА  дар шаҳри Сибиуи Руминия конфронси байналмиллалӣ барои кишварҳои Ховари Миёна доир шуд.
Тавре ки сомонаи расмии Агентии назорати маводи нашъаовари назди Президенти ҶТ хабар медиҳад, мақсад аз гузаронидани конфронси мазкур-ин ташкили ҳамкориҳо байни идораҳои зиддимухаддиротӣ дар самти мубориза бо гурӯҳҳои муташаккили ҷиноии нашъаҷаллобӣ буд.
Дар кори конфронс намояндагони ИМА, Арабистони Саудӣ, Албания, Аморати Араб, Болгария, Баҳрайн, Озарбойҷон, Туркия, Тоҷикистон, Гурҷистон, Руминия, Молдова, Македония, Юнон, Қатар, Қазоқистон, Қирғизистон, Олмон, Русия, Ҳиндустон, Исроил, Кипр ва Ӯзбекистон иштирок намуданд.
Бояд зикр намуд, ки аз Тоҷикистон дар кори намояндагони давлатҳои “Хатсайри шимол” сардори Раёсати агентӣ дар вилояти Суғд полковник Ҳ. Маҳмудов иштирок намуд.