Кордзанӣ аз ҷониби ноболиғ

Душанбе, 11. 03. 2014. (АМИТ «Ховар», Муқаддас Темурзода).- Тибқи иттилои маркази матбуоти Вазорати корҳои дохилӣ, ҳангоми гузаронидани чорабиниҳои фаврӣ аз ҷониби кормандони милитсия, муайян карда шуд, ки ноболиғ Некрӯз Каримов, соли таваллудаш 1998, сокини ноҳияи Рӯдакӣ дар ҳудуди деҳаи Навободи ноҳияи Шаҳринав бо шаҳрванд Ҳасан Обидов, соли таваллудаш 1992, сокини ноҳияи Шаҳринав мунозира намуда, ба бадани Ҳ. Обидов бо корд задааст, ки дар натиҷа охирин ҷароҳати вазнини ҷисмонӣ бардошта, дар беморхона бистарӣ гардидааст. Нисбат ба ҳодисаи мазкур парвандаи ҷиноӣ оғоз гардида, тафтиши пешакӣ идома дорад.