Коргоҳи дӯзандагӣ барои 400 нафар
Ваҳдат, 11.03.2014. (АМИТ «Ховар», Ҳотами Шариф) — Дар маркази шаҳри Ваҳдат бунёди боз як корхонаи нави истеҳсолӣ-фабрикаи дӯзандагӣ оғоз гардид. Фабрикаи дӯзандагӣ бо ташаббуси соҳибкори шинохта, сарвари Ҷамъияти дорои масъулияти маҳдуди «Ёқут-2000» Абдуҳалим Қодиров дар қабатҳои якуму дуюми бинои нави истиқоматии дувоздаҳошёна арзи ҳастӣ мекунад. Баъди бунёди коргоҳи мазкур 400 нафар занону духтарон бо ҷои кори доимӣ таъмин мешаванд. Сохтмони бинои мазкурро бинокорони бригадаи ҶДММ «Ёқут-2000» бо сарварии Шариф Исоқов ба уҳда доранд.