Кумак ба муҳоҷири меҳнатӣ

Душанбе, 12.03.2014. (АМИТ «Ховар», Лайло Тоирӣ).- Бо  мусоидати Намояндагии  Вазорати  меҳнат, муҳоҷират  ва  шуғли  аҳолии  ҶТ  дар  ФР муҳоҷирони  меҳнатии  Тоҷикистон — сокини   ноҳияи  Варзоб  Ҳикматулло  Шарифов  ва  сокини  деҳаи  Лолагии ноҳияи  Ҳисор  Муҳаммадҷон  Иззатов  бо хатсайри  Екатеринбург — Душанбе ба  ватан  фиристода  шуданд.
 
Тавре  ки  аз маркази  матбуоти  намояндагӣ хабар  доданд, Муҳаммадҷон  Иззатов зимни  аризааш изҳор  дошта  буд, ки ба  шаҳрванд  Ҳикматулло  Шарифов бинобар  бемор буданаш ва барои хариди чиптаи  ҳавопаймо маблағ  надоштанаш дасти  ёрӣ дароз карда шавад.
 
Баъди  маълум  шудани вазъияти  зикршуда  тасмим  гирифта  шуд,ки  муҳоҷири  меҳнатӣ Ҳикматулло  Шарифов бо мушоидати Муҳаммадҷон  Иззатов ба  Ватан  фиристода  шавад. Соҳибкори тоҷик  Ривоҷиддин  Маҳмадов барои хариди чиптаи ҳавопаймо ёрии  молиявӣ  расонидааст.