Кумакпулии навбатӣ ба бонувони роҳрӯб
Душанбе, 06.03.2014.(АМИТ «Ховар», Марзия Саидзода).-Дар остонаи Рӯзи Модар, ки ҳамасола 8 -март таҷлил мегардад, шаҳрдории Душанбе ба зиёда аз 1100 нафар занони роҳрӯб 500 сомонӣ мукофотпулӣ ҷудо намуд.
Дар робита ба ин дар асоси қарори раиси шаҳри Душанбе аз ҳисоби маблағҳои фонди захиравии раиси шаҳр 1 миллиону 65 ҳазор сомонӣ ҷудо гардидааст.
Шурӯъ аз имрӯз кумаки молиявӣ дар чорабинии ҷашнӣ ба занону духтарони роҳрӯби пойтахт супорида мешавад.