Курсҳои омӯзишии соҳибкорӣ барои ҷавонон

Душанбе, 11.03.2014 (АМИТ «Ховар», Фарзонаи Давлат).-Ташкилоти ҷамъиятии » Ҷавонони асри нав» тасмим гирифтааст, дар доираи Лоиҳаи » Бизнес-инкубатори ҳамкорӣ» ва “Бизнес -некдилӣ», ки аз ҷониби Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дастгирӣ ёфтааст, чорабиниҳои ташкиливу омўзишӣ баргузор намояд. Ба иттилои Кумитаи ҷавонон, варзиш ва сайёҳӣ макони татбиқи лоиҳа дар шаҳри Душанбе дар назар дошта шуда, гурӯҳҳои мақсадноки лоиҳа ҷавонони муқими пойтахт интихоб шудаанд. Курсҳои омӯзишӣ миёни ҷавонони болаёқат доир гашта, ба онҳо маҳорату малакаҳои муосири фаъолияти соҳибкорӣ аз ҷониби мутахассисон ва соҳикорони муваффақ омӯзонида мешаванд.Гуфта мешавад, ки мақсад аз лоиҳаи мазкур ташкили шароити корӣ барои мутахассисони ҷавон бо таъсиси инкубатори тиҷоратӣ ва омўзиши онҳо мебошад.