Лағви 19 қарор дар бораи ихроиҷи шаҳрвандони Тоҷикистон
Душанбе, 06.03.2014. (АМИТ «Ховар», Лайло Тоирӣ).- Суди ноҳияи Измайлови шаҳри Маскав тасмим гирифт, ки ба муҳокимаи парванда дар бораи қонуншикании маъмурӣ нисбат ба шаҳрванди Тоҷикистон Латиф Самиев аз рӯи моддае, ки ихроҷ аз қаламрави ФР ва ҷарима дар ҳаҷми 5 ҳазор рублро пешбинӣ менамояд, хотима дода шавад. Ин қарори суд дар натиҷаи мусоидати Намояндагии Хадамоти муҳоҷирати Вазорати меҳнат, муҳоҷират ва шуғли аҳолии ҶТ дар ФР қабул шуд.
Ба гуфтаи арзкунанда, вай дар давраи сукунаташ талабҳои қонунгузории федералиро вайрон накардааст. Дар ҷараёни баррасии муроҷиати ҷониби ҳимоятгар аризаи шикоятии Латиф Самиев ба суди шаҳри Маскав фиристода шуда, мақомоти судӣ бо дарназардошти мавҷуд набудани ҳодисаҳои қонуншикании маъмурӣ парвандаро қатъ намуд.
Мувофиқи маълумоти манбаъ, тайи ду моҳи соли 2014 бо мусоидати намояндагӣ 19 қарори мақомоти судҳои ноҳиявӣ дар бораи ихроҷи маъмурии шаҳрвандони Тоҷикистон бекор карда шудааст.