Любов Тоҷикистонро муаррифӣ мекунад
Душанбе, 04.03.2014 (АМИТ «Ховар», Фарзонаи Давлат).-Аз 7-ум то 13-уми марти соли равон дар шаҳри Кувайт чемпионати Осиё оид ба тирпарронӣ доир мегардад. Дар ин мусобиқа, ки варзишгарони беш аз 20 кишвари олам иштирок мекунанд, Тоҷикистонро як нафар варзишгар муаррифӣ мекунад.Тавре ки дар ин бора аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон хабар доданд, варзишгари тоҷикистонӣ Лапшина Любов фардо бо мураббиаш барои ширкат дар чорабинии мазкур ба шаҳри Кувайт сафарбар мешавад.