Марги 2 нафар бар асари садама

Душанбе, 13.03.2014. (АМИТ «Ховар», Муқаддас Темурзода).- 11 март ронандаи мошини тамғаи «Opel-astra»,  Абдуллоев Беҳзод Маҳмадрасулович, соли таваллудаш 1991, сокини ноҳияи Бобоҷон Ғафуров, ҳангоми ҳаракат дар шоҳроҳи Душанбе-Хуҷанд-Чаноқ, дар ҳудуди деҳаи Ғалламайдон аз уҳдаи идораи мошин набаромада, ба канори чапи роҳ  баромада, ба дохили заҳбури чуқуриаш 3-метр  чаппа шуд.
Тавре  ки маркази матбуоти ВКД хабар медиҳад, дар натиҷа худи ронанда Б. Абдуллоев  ва мусофираш Шарофат Аҳмедова, соли таваллудаш 1984, сокини ноҳияи Ҷаббор Расулов, аз ҷароҳатҳои бардоштаашон дар ҷойи ҳодиса ба ҳалокат расиданд. Мусофири дигари мошини мазкур Зуҳро Саидова, соли таваллудаш 1991, сокини ноҳияи Бобоҷон Ғафуров, ҷароҳати ҷисмонӣ бардошта, дар беморхона бистарӣ гардид.