Марказҳои тиббӣ замонавӣ мегарданд

      Ҳамадонӣ, 13.03.2014. (АМИТ «Ховар»,Сулаймони Хол).-Бо мақсади  дуруст ба роҳ мондани  хизматрасонии тиббӣ ба аҳолӣ  дар доираи имкониятҳои  мавҷуда  муассисаҳои тандурустии ноҳия бо таҷҳизоти тиббии  лозимӣ  таъмин шуданд,- гуфт раиси ноҳияи  Мир Саид Алии Ҳамадонӣ   Қодир Валиев. Ба гуфтаи манбаъ  дар ин давра  дар ноҳия  1 беморхонаи марказӣ, 1 маркази  кумаки аввалияи  тиббию санитарӣ, 1  беморхонаи  бемориҳои сил, 4 беморхона дар деҳот, 17 маркази  саломатии деҳот, 25 бунгоҳи тиббӣ фаъолият доранд, ки ба аҳолӣ хизмати тиббӣ  мерасонанд. 
Дар натиҷаи  дидани чораҳо паҳншавии бемориҳои  вараҷа, сӯхтанӣ  ва домана  пешгирӣ шуда,  нисбат ба ҳамин давраи соли гузашта  бемориҳои  зардча, хорӣ ва бемориҳои шадиди роҳи нафас  кам гардидаанд.