Мулоқоти навбатии ҳайатҳои ҶТ ва ҶҚ анҷом ёфт
Душанбе, 3.03.2014. (АМИТ «Ховар»). – 3 марти соли 2014 дар шаҳри Душанбе ҷаласаи навбатии муштараки ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон таҳти роҳбарии муовини Сарвазири Ҷумҳурии Тоҷикистон М. Алимардон ва муовини Сарвазири Ҷумҳурии Қирғизистон Т. Мамитов доир гардид. Дар ҷараёни мулоқот Ҷонибҳо масоили марбут ба сохтмон ва истифодаи роҳи мошингарди наздисарҳадӣ, инчунин лоиҳаи Созишнома дар бораи сохтмони ду пули муштарак ва мавзеъҳои роҳи мошингарди ба онҳо наздикро баррасӣ намуданд.Ҷонибҳо натиҷаҳои иҷрои чорабиниҳоро оид ба татбиқи тавофуқоте, ки дар натиҷаи вохӯриҳои тарафайни ҳайатҳои Ҷонибҳо дар шаҳри Бишкек моҳҳои январ ва феврали соли 2014 ба даст омада буданд, бо қаноатмандӣ қайд карданд.Ҳамзамон зарурати тақвияти фаъолияти гурӯҳҳои корӣ оид ба масъалаҳои ба анҷом расонидани ҷараёни делимитатсия ва демаркатсияи сарҳади байни Ҷумҳурии Тоҷикистон ва Ҷумҳурии Қирғизистон, ҳамкории мақомоти сарҳадӣ, мақомоти корҳои дохилӣ ва мақомоти маҳаллии ҳокимияти иҷроия доир ба посдории сулҳ ва таъмини суботу тартиботи ҳуқуқӣ дар ноҳияҳои наздисарҳадии ду давлат қайд карда шуд. Инчунин масъалаи оид ба барқарорсозии кори нуқтаҳои назоратию иҷозатдиҳӣ дар сарҳади Тоҷикистону Қирғизистон баррасӣ гардид. Аз рӯи натиҷаи мулоқот Ҷонибҳо Протокол ба имзо расониданд, ки дар он вазифаҳои минбаъдаи гурӯҳҳои корӣ ва мақомоти салоҳиятдори Ҷонибҳо оид ба иҷрои тавофуқоти қаблан ба даст омада муайян карда шудаанд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






