Муроҷиати беш аз 24 ҳазор шаҳрванд ба ХМ

Душанбе, 12.03.2014. (АМИТ «Ховар», Лайло Тоирӣ).-  Аз 1 январ то 7 марти соли 2014 -24 ҳазору 238 нафар шаҳрванд ба Бахши қабул ва маслиҳатдиҳӣ ба муҳоҷирони меҳнатии Хадамоти муҳоҷират (ХМ) ва сохторҳои зертобеи он муроҷиат намуданд, аз ин шумора ба бахши қабул 9 ҳазору 264 нафар, ба Раёсати маълумотдиҳӣ 712 нафар, ба  шуъбаи робита бо ҷомеа 200 нафар, ба Раёсати назорати муҳоҷират дар нақлиёт (фурудгоҳ) 640 нафар, Раёсати Хадамоти муҳоҷират дар вилояти Суғд 6 ҳазору 486 нафар, ба Раёсати Хадамоти муҳоҷират дар вилояти Хатлон 1 ҳазору 975 нафар,  ба Раёсати Хадамоти муҳоҷират дар ВМКБ 236 нафар, ба  Раёсати Хадамоти муҳоҷират дар шаҳри  Душанбе 3 ҳазору 755 нафар ва ба  Намояндагии Хадамоти муҳоҷират дар Федератсияи Русия 970  нафар рост меояд.
Аз шумораи умумии муроҷиаткунандагон 23 ҳазору  593 нафарро мард ва 645  нафарро зан ташкил медиҳад.
Тавре ки аз шуъбаи робита бо ҷомеаи хадамот иттилоъ доданд,  ҳангоми санҷиши шаҳрвандон пеш аз сафар 1 ҳазору 063 нафар шаҳрванди кишвар дар рӯйхати манъшудагон дар махзани маълумоти Хадамоти муҳоҷират буда, ҳудуди 200 ҳазор доллари ИМА зарари молиявии муҳоҷирон ҷилавгирӣ гардид.