Мусобиқаҳои наврӯзӣ дар Кӯлоб

Душанбе, 14.03.2014. (АМИТ «Ховар», Мавҷуда Анварӣ).- 12-13-уми марти соли ҷорӣ дар варзишгоҳи «Равшан»-и шаҳри Кӯлоб бо ташаббуси роҳбарияти Вазорати корҳои дохилӣ бахшида ба Иди байналмилалии Наврӯз мусобиқаҳо аз намуди варзиши сабук гузаронида шуданд.Варзишгарон дар мусобиқаҳои давидан дар масофаи 100 метр, пойгаи 400 метра ҳам барои занон ва ҳам барои мардон, 800 метр ва 3000 метр (мардон) ҳунарнамоӣ карданд.Дар мусобиқа ғолибони давраҳои аввал, ки дар вилоятҳои Мухтори Кӯҳистони Бадахшон, Суғду Хатлон, минтақаҳои Рашту Кӯлоб ва шаҳри Душанбе муайян гардида буданд, иштирок намуданд. Дар маҷмӯъ, дар бозиҳо 32 нафар — 20 нафар мард ва 12 нафар зан иштирок намуданд. Дар хотима ғолибон бо туҳфаҳои хотиравӣ сарфароз шуданд. Дар ин бора аз маркази матбуоти ВКД кишвар ба АМИТ «Ховар» хабар доданд.