Мусодираи 12 кг маводи нашъадор аз борхалта
Душанбе, 12. 03. 2014. (АМИТ «Ховар», Муқаддас Темурзода).- Дирӯз аз ҷониби кормандони шуъбаи Вазорати корҳои дохилӣ дар ноҳияи Исфара-1, ҳангоми гузаронидани чораҳои фаврӣ-ҷустуҷӯӣ шаҳрванд Абдуҷаббор Ёров, соли таваллудаш 1975, сокини ноҳияи Турсунзода, ҳамчун гумонбар дар ғайриқонунӣ нигоҳ доштани маводи нашъадор дастгир шуд.
Тавре ки маркази матбуоти ВКД хабар медиҳад, зимни кофтукови шахсӣ аз борхалтаи ӯ 11 кг 20 грамм маводи нашъадори афюн ва 926 грамм маводи сахттаъсири героин дарёфт ва мусодира шуд.
Аз рӯи ин ҳодиса парвандаи ҷиноӣ оғоз гардида, тафтиш идома дорад.