Мусодираи 120 кг маводи нашъаовар дар ду рӯз

Душанбе, 17.03.2014. (АМИТ «Ховар», Мавҷуда Анварӣ). Кормандони Агентии назорати маводи нашъаовари назди Президенти ҶТ дар натиҷаи гузаронидани амалиёти махсуси бисёрмарҳила оид ба боздошт намудани шахсоне, ки ба интиқоли маводи нашъаовар аз Тоҷикистон ба кишварҳои ҳамсоя машғул буданд, тақрибан 120 кг маводи нашъаовар мусодира намуданд. Кормандони Раёсати агентӣ дар ВМКБ якҷоя бо сохторҳои қудратӣ 18 кг 829 грамм маводи нашъаовари ҳашишро мусодира намуданд.Амалиёти дуюмро кормандони Раёсати агентӣ дар вилояти Суғд ба анҷом расониданд. Дар шаҳри Хуҷанд бо гумони даст доштан дар қочоқи маводи нашъаовар сокини 49-солаи ноҳияи Бобоҷон Ғафуров боздошт гардид, ки аз ӯ 96 кг маводи нашъаовари ҳашиш ёфт ва мусодира гардид, инчунин шарики ҷинояти ӯ — сокини 32-солаи ҳамин ноҳия боздошт гардид, ки маводи нашъаовар ба ӯ тааллуқ дошт.Зимни тафтишоти пешакӣ муайян гардид, ки сокини 49-солаи ноҳияи Бобоҷон Ғафуров қаблан барои “роҳзанӣ” ва “ташкили иттиҳоди ҷиноӣ” барои 13 сол аз озодӣ маҳрум шуда буд, аммо пас аз баромадан ба озодӣ низ хулосаи зарурӣ набаровард.Аз рӯи ин ҳодиса парвандаи ҷиноӣ оғоз шудааст.