Нақши собиқадорон дар тарбияи насли наврас

Душанбе, 19.03.2014. (АМИТ «Ховар», Мавҷуда Анварӣ). — 17- марти соли равон вазири корҳои дохилӣ Раҳимзода Рамазон Ҳамро зимни сафари кории худ дар минтақаи Кӯлоб бо собиқадорони мақомоти корҳои дохилии ин минтақа вохӯрӣ анҷом дода, онҳоро бо фарорасии Иди байналмилалии Наврӯз табрик намуд.  
Мавсуф зикр кард, ки нақши собиқадорон дар тарбияи насли наврас, кормандони ҷавони милитсия калон аст ва онҳоро даъват кард, ки дар самти мубориза алайҳи ҷинояткорӣ бо кормандони милитсия ҳамкорӣ намуда, таҷрибаи бою ғании худро ба кормандони ҷавон омӯзонанд.
Дар доираи боздиди кории худ вазири корҳои дохилӣ ба қисми ҳарбии 3503-и Раёсати қӯшунҳои дохилӣ, воқеъ дар шаҳри Кӯлоб омада, бо шароити хизматии ин ниҳод ва дигар иншоотҳои муҳим аз наздик ошно шуд.