Намоиш — фурӯши мусаввараҳои рассомони тоҷик

Душанбе, 5.03.2014 (АМИТ «Ховар», Марҳабои Азамат) — Экспозитсияи «Гулдухтарони тоҷик», бахшида ба иди зебои баҳор Рӯзи  модарон 10 март дар Колеҷи рассомии ба номи М. Олимов дар Душанбе баргузор мегардад. Дар ин бора аз Колеҷи  рассомии ба номи М. Олимов ба АМИТ «Ховар» иттилоъ доданд.
 
 Тавре сарчашма аз Колеҷи мазкур хабар дод, дар намоиш — фурӯши асарҳои рассомони тоҷик, бо шумули рассомони муосир, мусаввараҳои ситоишкунандаи зебогии занони тоҷик  ба намоиш гузошта мешаванд. «Мизоҷон  метавонанд, на танҳо аз дидани зебогиҳо  ҳаловат баранд , балки асарҳои  писандомадаро аз дасти якум харидорӣ кунанд», — иттилоъ дод манбаъ.