Ноболиғон дарс мехонанд ё ҷиноят содир менамоянд?

Душанбе, 17.03.2014. (АМИТ «Ховар», Муқаддас Темурзода).-Аз ҷониби кормандони шуъбаи ВКД дар ноҳияи Фирдавсӣ ҳамчун гумонбар дар ғоратгарӣ ноболиғон Фаррух Шарифов, хонандаи синфи 10-уми мактаби миёнаи таҳсилоти умумии №71, Аҳмад Алиев, хонандаи синфи 9-уми мактаби миёнаи таҳсилоти умумии №29 ва Шаҳром Афсаҳов, хонандаи синфи 9-уми мактаби миёнаи таҳсилоти умумии №71-и пойтахт дастгир гардиданд. Маркази матбуоти милитсия хабар медиҳад, ки номбурдагон 16 марти соли равон дар бозори телефонҳои мобилӣ, воқеъ дар кӯчаи Фирдавсӣ ноболиғ Шамшод Раҳмонов. соли таваллудаш 1996, хонандаи синфи 10-уми мактаби миёнаи таҳсилоти умумии №38-ро лату кӯб намуда, сипас бо тариқи зӯроварӣ аз дасташ 1 адад телефони мобилии тамғаи «Нокия-5228»-ро, ки арзишаш 300-сомониро ташкил медиҳад, тасарруф намуда, аз ҷойи ҳодиса ғайб задаанд.Ин ҳодиса мавриди тафтиш қарор дорад.