Оғози чорабиниҳои наврӯзӣ
Душанбе, 12.03.2014 (АМИТ «Ховар», Фарзонаи Давлат).- Рӯзҳои 15-16-уми марти соли равон дар шаҳри Душанбе бахшида ба ҷашни Наврўз мусобиқаи ҷумҳуриявӣ аз намуди гӯштини тарзи озод миёни варзишгарони калонсол доир мегардад.
Тавре ки дар ин бора аз Кумитаи ҷавонон, варзиш ва сайёҳии назди Ҳукумати Тоҷикистон хабар доданд, дар мусобиқа варзишгарони минтақаи Хатлон, Суғд, ВМКБ, Душанбе, шаҳру ноҳияҳои тобеи марказ ва минтақаи Рашт иштирок хоҳанд кард.
Ҳамчунин гуфта мешавад, ки рӯзҳои 22-23-юми марти соли равон мусобиқаи ҷумҳуриявӣ аз намуди гӯштини юнонию румӣ миёни калонсолон доир мешавад.
Ғолибон бо диплому медалҳои Кумитаи ҷавонон, варзиш ва сайёҳӣ қадрдонӣ хоҳанд шуд.