Пешгирии зӯроварӣ дар оила

Кӯлоб, 13.03.2014. (АМИТ «Ховар», Сулаймони Хол).-  Бо мақсади пешгирии сатҳи зӯроварӣ дар оила, таҳдид ва хушунат нисбат ба занон, инчунин  поймол накардани ҳуқуқи зан дар ҷомеа  аз тарафи Бахши кор бо занон ва оилаи  мақомоти иҷроияи ҳокимияти давлатии ноҳияи Восеъ якҷоя бо кормандони ҳифзи ҳуқуқ  дар ҷамоатҳои шаҳрак ва деҳот як силсила вохӯриҳо доир шуданд. Ба иттилои мудири бахши мазкур Ҳафиза Сафарова вобаста ба ин мавзӯъ бо занони фаъоли 69 деҳаю маҳаллаҳои ноҳия  оид ба   ичрои қонунҳои  ҶТ «Дар бораи танзими анъана  ва ҷашну маросимҳо» ва «Дар бораи масъулияти падару модар дар  таълиму  тарбияи фарзанд» вохӯриҳои судманд гузаронида шуданд.