Пешниҳоди ҷои кор аз тариқи ярмарка

Темурмалик, 24.03.2014.(АМИТ «Ховар», Сулаймони Хол).- Бо мақсади бо ҷои кор ва шуғли доимӣ таъмин намудани шаҳрвандон шуъбаи Агентии суғуртаи иҷтимоӣ ва нафақаи ноҳияи Темурмалик дар маркази ноҳия ярмаркаи ҷойҳои корӣ ва вазифаҳои озодро баргузор намуд, ки дар он аксари корхонаю ташкилоти ноҳия барои корҷӯён ҷойи кор пешниҳод намуданд. Тавре ки Файзиддин Нуров, сардори шуъбаи мазкур иброз дошт, дар соли ҷорӣ маротибаи сеюм аст, ки ярмаркаи ҷойҳои корӣ ва вазифаҳои озод доир мешавад. Дар ду ярмаркаи қаблӣ, ки моҳи январу феврал гузаронида шуд, 32 ташкилоту муассиса иштирок намуда, 307 ҷои кор пешниҳод карданд ва 23 нафар роҳхат гирифта, 19 нафар бо ҷои кор таъмин шуд.