Пешниҳоди 2 688 ҳуҷҷат ба ММТ

 
Душанбе, 5.02.2014. (АМИТ «Ховар», Зарангези Латиф).- Дар 4 рӯзи аввал (1, 3 ва 4-уми март) барои қабул шудан ба муассисаҳои олии касбии Тоҷикистон 2 ҳазору 688 довталаб ҳуҷҷат супоридааст, ки 2 нафараш ятими кулл, 17 нафар ятим ва 4 нафар маъюб мебошад.
Ба иттилои Ситорабону Назарова, сухангӯи Маркази миллии тестии назди Президенти ҷумҳурӣ дар ин се рӯз ба ихтисосҳои кластери якум 456, дуюм 695, сеюм 353, чорум 429 ва панҷум  755 нафар ҳуҷҷат супурдааст.
Ёдрас мекунем, ки арзиши хизматрасонии ММТ 150 сомонӣ муайян гардидааст. Рӯйхат ва нишонии филиалҳои Бонки давлатии амонатгузории Ҷумҳурии Тоҷикистон «Амонатбонк» муайян ва тасдиқ гардидаанд. 

Инчунин тибқи қарори баррасишудаи ҳайати мушовараи Вазорати маориф ва илми ҷумҳурӣ довталабоне, ки ятими куланд, аз пардохти маблағ озоданд ва довталабоне, ки ё падар ё модарашон вафот кардаанд, танҳо 50% аз маблағи муқарраршударо пардохт мекунанд.