Рӯзи умумиҷаҳонии об — 2014

Март 13, 2014 16:15

Душанбе, 13.03.2014. (АМИТ «Ховар», Кристина Эрлих).- Аъзои  Шабакаи  ташкилотҳои  мушорикон  оид ба таъмини  устувори об  ва  санитария  бахшида ба Рӯзи  умумиҷаҳонии  об  дар  соли  2014  як  қатор чорабиниҳоро   роҳандозӣ  менамоянд. Рӯзи  умумиҷаҳонии  об ҳар  сол  22  март  бо  мақсади  ҷалби таваҷҷӯҳ  ба  имкониятҳои  дастрасӣ  ба  оби  нӯшокӣ, ҳамчунин  ташвиқи  усулҳои   истифодаи захираҳои  оби ошомиданӣ қайд  карда  мешавад. 
 
Тавре  ки  аз  Намояндагии  созмони  Оксфам  дар  Тоҷикистон  ба  АМИТ «Ховар» хабар доданд,   имрӯз,  13 март,   маъракаи  поккории  канали «Говкуш» — и   шаҳри  Душанбе  ва  таҷзияи  сифати оби  се  обанбори пойтахт  баргузор  мегардад. 
 
Ин  чорабинӣ бо  роҳбарии  клуби экологии  «Взол», ки  фаъолияти онро Донишгоҳи  техникии  Тоҷикистон  ва Маркази «Дастгирӣ»  бо  мадади Созмони байналмилалии Оксфам  танзим  менамоянд, сурат  мегирад.
 
Аз  12  март  то 4  апрел  дар  Тоҷикистон  дарсҳои  кушода  дар мавзӯи    истифодаи  самарабахши   захираҳои об  ва  гигиенаи  шахсӣ,  озмунҳо  барои офаридани суратҳои  беҳтарин ва ихтирооти   мактабиён  доир  мешаванд. 
 
Хонандагони фаъолтарин бо мукофоту  тасдиқномаҳо  сарфароз мегарданд. Чорабиниҳои зикршуда  бо  роҳбарии  шуъбаҳои  маорифи  ноҳияҳои  Рӯдакӣ  ва  Мӯъминобод, ҳамчунин  Созмони  байналмилалии Оксфам  роҳандозӣ  мешаванд. 
 

Март 13, 2014 16:15

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд