Рабудани воситаи нақлиёт аз ҷониби ноболиғ

Душанбе. 31.03 2014. (АМИТ «Ховар», Муқаддас Темурзода).- Аз ҷониби кормандони милитсия як нафар сокини ноболиғи ноҳияи Рашт бо гумони даст доштан дар рабудани воситаи нақлиёт дастгир гардид.
Тавре ки маркази матбуоти ВКД хабар медиҳад, ба шуъбаи корҳои дохилии  ноҳияи Нуробод сокини 31-солаи ҳамин ноҳия Изатулло Мирзоев муроҷиат намудааст, ки рӯзи 29-уми марти соли ҷорӣ шахси номаълум мошини шахсиаш, тамғаи «Чанху», рақами давлатиаш 92-78 АА 01 РТ-ро, ки дар истгоҳи варзишгоҳи ноҳия бе назорат меистод, рабудааст. 
Дар вақти гузаронидани чораҳои фаврӣ-ҷустуҷӯӣ кормандони милитсия бо гумони рабудани воситаи нақлиёт ноболиғ Шӯҳрат Ворисов, соли таваллудаш 1997, сокини ноҳияи Раштро дастгир намуданд. 
Нисбат ба ҳодисаи мазкур тафтиш идома дорад.