Рассомони беҳтарин муайян гаштанд

Март 18, 2014 10:14

Душанбе, 18.03.2014. (АМИТ «Ховар», Лайло Тоирӣ).-Мутахассисони Хадамоти давлатии оташнишонии ноҳияи Рӯдакӣ дар ҳамкорӣ бо шуъбаи маорифи ноҳия, ҳафтаи гузашта дар Гимназияи тоҷикӣ-русии ба номи А.С. Пушкини ноҳияи мазкур ҷамъбасти озмуни «Расми беҳтарини зиддисӯхтории мактаббачагон»-ро доир карданд.
Тавре ки аз хадамоти матбуоти Вазорати корҳои дохилӣ хабар доданд, қаблан чунин озмун байни мактаббачагони ҳамаи  мактабҳои ноҳия дар алоҳидагӣ ва баъдан байни ғолибони озмун баргузор гардида, ғолибони озмуни байнимактабӣ ба озмуни ноҳиявӣ роҳхат гирифтанд. Дар озмуни ноҳиявӣ аз байни 156 муассисаи таълимии ноҳия танҳо намояндагони 30 мактаб дар ду гурӯҳ, яъне аз синфи 4 то 7 ва гурӯҳи дуюм аз синфи 8 то 11 байни худ қувваозмоӣ намуданд.
Дар гурӯҳи якум ҷойи аввалро хонандаи мактаби №66 Муниса Нуриддинова, ҷойи дуюмро хонандаи мактаби №7 Шаҳноза Усмонова ва ҷойи сеюмро хонандаи мактаби №15 Меҳрубон Исломов сазовор гашт.
Дар гурӯҳи дуюм ҷойи аввал ба хонандаи мактаби №59 Дилафрӯз Собирова, ҷойи дуюм ба хонандаи мактаби №1 Олимҷон Обидҷонов ва ҷойи сеюм ба хонандаи мактаби №14 Давлатмурод Олимов дода шуд.
Ба ғолибони озмун аз тарафи муовини сардори хадамоти ноҳияи Рӯдакӣ Ашӯралӣ Тӯраев ва сармутахассиси шуъбаи маориф Абдусамад Муминов ифтихорнома ва туҳфаҳои хотиравӣ супорида шуданд.
Чунин озмунҳо дар баланд бардоштани маърифати ҳуқуқии шаҳрвандон ва ҳифзи моликияти хусусию давлатӣ аз сӯхтор саҳми сазовор хоҳанд гузошт.
 
 
 

Март 18, 2014 10:14

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд