Тағйиру иловаҳо боз ба як қонуни конститутсионӣ
Душанбе, 17.03.2014.(АМИТ «Ховар», Марзия Саидзода).- Интизор меравад, ки палатаи поёнии Парлумони Тоҷикистон ба лоиҳаи Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон» тағйиру иловаҳо ворид намояд. Масъалаи мазкур дар ҷаласаи Шӯрои Палатаи поёнии Парлумони мамлакат, ки 17 март таҳти раёсати Шукурҷон Зуҳуров-раиси Маҷлиси намояндагони Маҷлиси Олии Ҷумҳурии Тоҷикистон доир гардид, барасӣ шуд. Мақсади таҳияи лоиҳаи қонуни мазкур таъмини шаффофият, ошкорбаёнӣ, мустақилият, риояи ҷараёнҳои демократӣ ва намояндагии баробарии ҳизбҳои сиёсӣ дар раванди демократикунонии чомеа ва иштирок дар ҳайати комиссияҳои ҳавзавӣ, участкавии интихобот ва пешгириву бартараф намудани гуногунфаҳмиву камбудиҳое, ки дар маъракаи тайёрӣ ва гузаронидани интихоботи парлумонии кишвар, ки дар даъватҳои қаблӣ ба мушоҳида расида буданд, мебошад. Инчунин он барои минбаъд баланд бардоштани самаранокии фаъолияти касбии вакилони Маҷлиси намояндагони Маҷлиси Олии Ҷумҳурии Тоҷикистон мусоидат менамояд. Дар Шӯро, ҳамчунин, лоиҳаи қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи иҷозатномадиҳӣ ба баъзе намудҳои фаъолият», Созишномаи грантӣ байни Ҷумҳурии Тоҷикистон ва Бонки Осиёи Рушд оид ба Лоиҳаи «Барқарорсозии Неругоҳи барқи обии «Сарбанд» бо иқтидори 240 МВт», Созишномаи Корхонаи воҳиди давлатии «Хоҷагии манзилию коммуналӣ» ва Бонки Аврупоии Таҷдид ва Рушд оид ба Лоиҳаи «Беҳтар намудани низомиҳои обтаъминкунии шаҳрҳои марказии Тоҷикистон» мавриди баррасӣ қарор гирифтанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






