Таҳсили 40 духтари афғон дар ДОМ

Март 5, 2014 09:08

Хоруғ, 5.02.2014. (АМИТ Ховар, Файз Мирасан).- Маркази таълими давомдори Донишгоҳи Осиёи Марказӣ (ДОМ) дар шахри Хоруғ на фақат дар   касбомӯзӣ ва корёбии ҷавонони  вилоят, балки  ҷавонони  бурунмарзӣ низ  саҳми  босазо  мегузорад.   Маркази  мазкур барои  соҳибкасб шудан ва  бархурдор гардидани  ҷавонони  кишвари мо аз забонҳои мухталифи  дунё   саҳми арзанда  гузошта, хатмкунандагони донишгоҳ дар  риштаҳои мухталифи  иқтисоди  кишвар фаъолият доранд. Донишгоҳ дар ин самт фаъолияташро густариш дода, чанд сол боз дар доираи «Барномаи   маълумоти касбӣ-техникии бурунмарзӣ»  теъдоде аз ҷавонони  Ҷумҳурии исломии Афғонистонро ба таҳсил фаро гирифтааст.  
 
Дар марҳилаи саввуми барнома  17 духтари афғон ба остонаи донишгоҳ қадам гузошт.  Ба гуфтаи  муҳассилин  онҳо  дар ин ҷо  компютер, забони англисӣ ва муҳосибот меомӯзанд.        Донишҷӯдухтарони  афғон изҳор доштанд, ки иддае аз   хатмкунандагони  донишгоҳ  ба шумули бонувони афғон  дар айни ҳол  дар муассисоти кишварашон муваффақона   фаъолият доранд ва барои соҳиби касб гардиданашон аз кишвари Тоҷикистон сипосгузоранд. 
Ба гуфтаи  Далер Қуботбеков-ҳамоҳангсози   барномаи Маълумоти касбӣ-техниикии бурунмарзии назди Донишгоҳи Осиёи Марказӣ алъон зиёда аз 40 нафар бону аз кишвари Афғонистон дар чаҳорчӯби ин барнома таҳсили худро ба итмом расонда, ба ватан баргаштанд.
 
 
 
 
 

Март 5, 2014 09:08

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд