Таҷаллии Наврӯз дар Хуррамшаҳр
Душанбе, 18.03.2014. (АМИТ «Ховар», Раъно Нусратуллозода). Тавре ки сардори Маркази иттилоот ва таҳлили раёсати донишгоҳ Маъмури Юсуфзод иттилоъ дод, имрӯз дар мавзеи Хуррамшаҳри Донишгоҳи давлатии Хуҷанд ба номи академик Б. Ғафуров Наврӯзи донишгоҳ ҷашн гирифта шуд. Саҳнаи берунии бинои таълимии донишгоҳ ба таври идона ва бо шиорҳои наврӯзӣ пироста шуда буд. Факултаҳои донишгоҳ дар ҷойҳои муайяншуда дастурхони идонаи худро густурда, ҳар гуна рамзҳои наврӯзиро ба намоиш гузоштанд. Устодон ва донишҷӯёни факултаҳо дар атрофи дастурхони идонаи худ сарчамъ шуда, занон ва духтарон бо либосҳои миллӣ маликаи наврӯзиро ороста, ҷихати ширкат дар озмуни наврӯз омодагӣ гирифтанд.
Муовини раиси вилояти Суғд Раъно Бобоҷонова ва муовини ректори донишгоҳ Абдулфаттоҳ Раҳимов устодону донишҷӯёнро бо Наврӯзи дилафрӯз табрик гуфтанд. Беҳтарин омодагарони хони наврӯзӣ бо туҳфаҳои хотиравӣ сарфароз гардиданд.
Имрӯз дар Тоҷикистон ҳавои камабри бебориш дар назар аст
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
