Таҷдиди назорати истифодаи захираҳои обӣ

 Душанбе, 13.03.2014. (АМИТ «Ховар», Назир Назиров).-  Саидмудин Маҳмадаминов, сардори шуъбаи назорати истифода ва ҳифзи захираҳои оби Кумитаи ҳифзи муҳити зисти назди Ҳукумати Ҷумҳурии Тоҷикистон ба хабарнигори АМИТ «Ховар» гуфт, ки кумита дар асоси талаботи ќонунгузориҳои Ҷумҳурии Тоҷикистон дар соҳаи ҳифзи муҳити зист ва инчунин таъмин намудани рушди устувори иҷтимоиу иқтисодӣ, кафолатҳои ҳуқуқи инсон нисбат ба муҳити зисти солим ва мусоид, таҳкими тартиботи ҳуқуқӣ, пешгирии таъсири номатлуби фаъолияти хоҷагидорӣ ба муҳити зист ва  таъмини амнияти экологии Ҷумҳурии Тоҷикистонро  иҷро менамояд.       Мақсади  идораи кумита   таҷдиди  назорати давлатии ҳифз ва истифодаи заҳираҳои об мебошад  ва кумита назорати фаъолияти сохторҳои  ҳифзи муҳити зист дар вилоятҳо, шаҳру ноҳияҳоро пурзӯр гардонида, низоми назорати давлатиро ба тартиб дароварда, самаранокӣ ва амнияти экологиро дар қаламрами  Ҷумҳурии  Тоҷикистон роҳандозӣ мекунад