Тачлили 100- солагии М. Маҳмадалиев дар Наврӯз

  Восеъ, 18.03.2014. (АМИТ «Ховар», Сулаймони Хол).- Бахшида ба  иди Наврӯз  ва 100- солагии  фарзанди баруманди  диёри Хатлон, Қаҳрамони  муҳнат Миралӣ Маҳмадалиев  дар собиқ  ҷамоати Арал, ки ҳоло номи ин шахсияти маъруфро дорад, баргузории чорабиниҳои ободонию созандагӣ  ба нақша гирифта шудааст. Ба гуфти раиси ҷамоати ба номи М. Маҳмадалиеви ноҳияи Восеъ Маҳмадамин Орипов мувофиқи озмун  кӯчаи беҳтарин,  хонаи беҳтарин,  маркази саломатии беҳтарин, хочагии деҳқонии беҳтарин  аз тарафи комисияи  тадорукотӣ баҳогузорӣ гардида, ғолибон бо маблағҳои  аз 1000 то 2000 сомонӣ  мукофотонида мешаванд. 
Мақомоти ичроияи ҳокимияти давлатии ноҳияи Восеъ  бо дастгирӣ ва маблағгузории  ҳукумати ҷумҳурӣ  ва ҳокимияти давлатии вилояти Хатлон  корҳои ободонӣ, бахусус  таъмиру тармими  биноҳои маъмурӣ  ва таълимию фарҳангиеро, ки ҳанӯз  дар овони  сарвари хоҷагӣ будани Миралӣ Маҳмадалиев  сохта шуда буданд,  роҳандозӣ намудааст.