Таълими ҳамгиро: дастовардҳои назариявӣ ва амалӣ
Душанбе, 28.03.2014. (АМИТ «Ховар», Раъно Нусратуллозода).-Чанде пеш гурӯҳи корӣ дар ҳайати кормандони Академияи таҳсилоти Тоҷикистон — академикон М. Лутфуллоев, Ф.Шарифзода, доктори илмҳои педагогӣ, профессор С. Сулаймонӣ ва номзади илмҳои педагогӣ С. Камолзода ҷиҳати баргузор намудани конфронси илмӣ-амалии «Таълими ҳамгиро: дастовардҳои назариявӣ ва амалӣ» дар шаҳри Исфараи вилояти Суғд қарор доштанд. Тавре ки аз Академияи таҳсилоти Тоҷикистон иттилоъ доданд, конфронс дар Литсейи №5 шаҳри Исфара бо иштироки муовинони директорҳои мактабҳои таҳсилоти миёнаи умумӣ оид ба синфҳои ибтидоӣ, устодони Коллеҷи омӯзгории ш. Конибодом, устодони филиали Донишгоҳи технологии Тоҷикистон дар ш.Исфара ва донишмандону соҳибназарони соҳаи таълиму тарбият баргузор гардид. Дар конфронс оид ба мавзӯъҳои “Паҳлуҳои фаъолияти муаллим ва талабаҳо дар ҷараёни дарс”, “Дарсҳои ҳамгиро омили муҳими рушди ҷаҳонбинии илмӣ, тафаккури мантиқӣ ва манфиатҳои иқтисодӣ”, “Маҳоратҳои ҷустуҷӯӣ дар раванди ҳамгиросозии таълим ва ё эҷоди руҳияи пажӯҳишгарӣ дар донишомӯзон” аз ҷониби кормандони Академияи таҳсилот гузориш дода шуд. Дар ҷараёни конфронс иштирокдорон бештар рӯи таҷриба ва биниши худ ибрози назар доштанд ва роҳи ҳалли ин масъалаҳоро матраҳ намуданд. Ишора гардид, ки муаллимони синфҳои ибтидоӣ дар ин робита таҷрибаи зиёдеро доро мебошанд, аммо ба мушкилоти дигаре рӯ ба рӯ ҳастанд. Ин дар масъалаи камбуди китобу маводи таълимӣ, дастрасӣ ба технологияҳои навину пешрафта, фаъолияти на он қадар чашмгири таъмини дастурҳои методӣ ва технологию фановарӣ барои муаллимон, камбуди китобҳои илмию маърифатӣ барои кӯдакону навҷавонон, робитаи мустақим надоштани дигар муассисаҳои илмӣ, нашриёту муассисаҳои чопӣ бо мактаб ва муассисаҳои таълимӣ ва дигар мушкилоту масоили мубрами рӯз мавриди баррасӣ қарор гирифтанд. Зикр гардид, ки робитаи Академияи таҳсилоти Тоҷикистон бо раёсати маорифи шаҳри Исфара бояд густариш ёбад. Пешниҳод гардид, ки чунин нишастҳои илмӣ ва конфронсу семинарҳо аз ҷониби Академияи таҳсилот мунтазам баргузор гардад.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
