Тарғиби муҳоҷирати бехатар дар Зафаробод
Хуҷанд, 31.03.2014. (АМИТ “Ховар”,Абдуаҳад Шарифзода).- «Тарғиби муҳоҷирати бехатар» — чунин унвон дошт чорабиние, ки чанде қабл дар ноҳияи Зафаробод оғоз ёфт.
Тавре ки аз раёсати Хадамоти муҳоҷирати Вазорати меҳнат, муҳоҷират ва шуғли аҳолии ҶТ дар вилояти Суғд иттилоъ доданд, кормандони раёсати мазкур бо мақсади таъмини иҷрои фармоиши вазири меҳнат, муҳоҷират ва шуғли аҳолии Ҷумҳурии Тоҷикистон, чанде қабл дар ноҳияи Зафаробод корҳои фаҳмондадиҳӣ ва ташвиқоту тарғиботиро вобаста ба муҳоҷирати бехатар дар байни аҳли ҷомеа, аз ҷумла муҳоҷирони меҳнатӣ ба роҳ монданд.
Алъон, мулоқоти гурӯҳи ташвиқотию тарғиботӣ бо дастгирии мақомоти иҷроияи маҳаллии ҳокимияти давлатӣ дар ҷамоатҳои Ҷомӣ ва Меҳнатобод бо иштироки зиёда аз 100 нафар фаъол, муҳоҷири меҳнатӣ ва хонандагони синфҳои болоӣ доир гардид. Алалхусус ба ҳозирин тағироту навигариҳо дар қонунгузории федералии Федератсияи Русия вобаста ба муҳоҷират ва қоидаҳои муҳоҷирати бехатар фаҳмонида шуданд.
Дар назар аст, давраи дуюми чорабиниҳои ташвиқотӣ дар ҷамоатҳои Ҳамроалиев ва Равшан 1 апрел доир гардад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






