Тавзеҳот ба лоиҳаи Кодекси экологӣ

Душанбе, 28.03.2014.(АМИТ «Ховар», Марзия Саидзода).-Тавзеҳот ба лоиҳаи Кодекси экологии Ҷумҳурии Тоҷикистон дар ҷаласаи навбатии Комиссияи экологии Маҷлиси намояндагон, ки имрӯз дар Душанбе баргузор гардид, баррасӣ шуд.
Зикр гардид, ки ҳадафи таҳияи лоиҳаи Кодекси экологӣ аз такмили асосҳои ҳуқуқии танзими давлатии ҳифзи муҳити зист ва таъмини амнияти экологӣ дар асоси мувозинати манфиатҳои экологӣ ва иқтисодии ҷомеа, инчунин фароҳам овардани шароит ба экологиякунонии иқтисодиёти кишвар мебошад. Лоиҳаи Кодекси экологӣ аз 2-қисм, 10-фасл, 33-боб ва 236 модда иборат буда, ҳимояи манфиатҳои экологии ҷомеа ва амнияти экологии ҷумҳуриро таъмин менамояд. Ҳамзамон таъкид гардид, ки таҳияи Кодекси экологӣ барои баланд бардоштани самаранокӣ ва мустақилияти қонунгузории экологӣ дар низоми ҳуқуқи кишвар мусоидат хоҳад кард. Лоиҳаи Кодекси экологӣ аз ҷониби аъзои Комиссияи экологӣ ва коршиносони соҳаҳои гуногун таҳия гардидааст.10.56.