Вохӯриҳои навбатӣ барои дарёфти Ҷоми ФФТ
Душанбе, 17.03.2014. (АМИТ «Ховар»).- Тавре ки аз Федератсияи футболи Тоҷикистон хабар доданд, марҳалаи гурӯҳии бахши ниҳоии мусобиқот барои дарёфти Ҷоми Федератсияи футболи Тоҷикистон анҷом ёфт. Аз рӯи натиҷаи он дар вохӯриҳои нимниҳоӣ дастаи «Хайр» бо дастаи «Хуҷанд» ва дастаи «Истиқлол» бо дастаи «Равшан» қувваозмоӣ менамоянд. Бозиҳои як бар ду ниҳоӣ имрӯз, 17 март, баргузор мешаванд. Ҳарду вохӯрӣ дар Варзишгоҳи марказии ҷумҳуриявӣ сурат мегирад.