Вохӯрии иттиҳоди коршиносон дар Москва

    Душанбе, 1.03.2014. (АМИТ «Ховар», Муқаддас Темурзода).- Дар Москва таҳти раисии директори  Хадамоти федеролии Федератсияи Русия оид ба назорати интиқоли маводи мухаддир Виктор Иванов вохӯрии иттиҳоди  коршиносон дар мавзӯи «Кам кардани ҳукми нашъамандӣ тавассути ҳамкории  полис», бо мақсади омодагии вохӯрии роҳбарони раёсатҳои зиддинашъамандии «Ҳаштгона» баргузор гардид.
 
Дар чорабинӣ ҳамчунин намояндагони мақомотҳои ҳифзи ҳуқуқ  аз 40 кишвари дунё ва як қатор созмонҳои байналмилалӣ , аз он ҷумла СММ, СҲШ, СААД , БРИКС ва дигарон иштирок намуданд.
 
Директори Хадамоти федеролии Федератсияи Русия оид ба назорати интиқоли маводи мухаддири Русия Виктор Иванов бо маърӯзаи «Барҳам додани марказҳои нашъаистеҳсолкунандаи планетарӣ (давродавр) — мақсади стратегии ҳамкории байналмилалии полис» баромад намуд.
 
Аз ҷониби Ҷумҳурии Тоҷикистон дар вохӯрӣ намояндаи Агентии назорати маводи мухаддири назди Президенти Ҷумҳурии Тоҷикистон иштирок намуд.
 
 Дар ин бора аз маркази матбуоти АНММ  ба АМИТ «Ховар»  иттилоъ доданд.