Яке аз хиёбонҳои Душанбе номи Ҷомиро мегирад

Март 20, 2014 12:07

     Душанбе, 20.03.2014.(АМИТ “Ховар”, Марзия Саидзода).-Яке аз хиёбонҳои Душанбе-пойтахти Тоҷикистон ба номи шоир ва мутафаккири бузурги қарни ХV-и тоҷик Абдураҳмони Ҷомӣ гузошта мешавад. Ин пешниҳодро Президенти Ҷумҳурии Тоҷикистон Эмомалӣ Раҳмон зимни мулоқоташ бо зиёиёни кишвар 20 март дар остонаи ҷашни байналмилалии Наврӯз ироа кард. Ҳамзамон пешниҳод гардид, ки дар доираи Соли бузургдошти Ҷомӣ яке аз муассисаҳои илмиву маърифатии Тоҷикистон ба номи Мавлоно Ҷомӣ гузошта мешавад. 
            Сарвари давлат дар ҷараёни суханронӣ доир ба ҳаёт ва фаъолияти адабии Мавлоно Абдураҳмони Ҷомӣ ва нақши адиб дар ташаккули адабиёти садаи ХV-и тоҷик ибрози назар намуда, таъкид кард, ки имрӯз ҷиҳати пешгирӣ кардани косташавии маънавиёт ва тарғиби одоби ҳамида дар байни мардум, бахусус наврасону ҷавонон, Вазорати фарҳанг, Академияи илмҳо ва Иттифоқи нависандагонро зарур аст, ки «Баҳористон»-и Ҷомӣ ва дигар асарҳои панду ахлоқии ниёгонамонро бештар таҳияву интишор кунанд ва ба хонандагон пешниҳод намоянд.
 
“Бисёр андешаҳои инсондӯстонае, ки Мавлоно Ҷомӣ дар мавзӯи  нигоҳ доштани ифтихору шарафи инсонӣ ва аҳамияти озодиву соҳибихтиёрӣ дар ҳаёти инсонҳо баён кардааст, ҳамоҳанги сиёсати имрӯзаи давлати соҳибистиқлоламон мебошанд”, зикр кард Президенти кишвар Эмомалӣ Раҳмон.
 
 
 
 

Март 20, 2014 12:07

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд