Ҳайати Тоҷикистон дар курси таълимии МБС

Апрель 7, 2014 16:34

Душанбе, 07.04.2014. (АМИТ «Ховар, Фарзона  Достонзода). – Кормандони  Вазорати  рушди  иқтисод  ва  савдо  ва  Вазорати  кишоварзии Ҷумҳурии  Тоҷикистон  дар  семинар  дар  мавзӯи «Ҷалби  сармоя ба  низоми  савдои  бисёрҷониба»,  ки   имрӯз,  7  апрел,  дар  шаҳри  Женеваи  Швейтсария  оғоз  ёфт,  иштирок  доранд.
Тавре  ки  аз Маркази  байналмилалии  савдо  ба  АМИТ «Ховар»  хабар  доданд, курси таълимӣ, ки  то 11  апрел давом  мекунад, чун курси муқаддимавии  низоми савдои бисёрҷониба ва қоидаҳои тиҷорати  Созмони умумиҷаҳонии  савдо барои  намояндагони бахши тиҷорат  ва  хидматчиёни  давлатӣ пешбинӣ шудааст. 
Мувофиқи  суханони сармутахассиси  шуъбаи Созмони  умумиҷаҳонии  савдо  дар  Вазорати рушди иқтисод ва  савдои  ҶТ ва  яке аз   иштирокдорони  курси  зикршуда  Сӯҳроб  Одинаев,  аъзои  ҳайати  Тоҷикистон дар мавзӯи низоми  савдои  бисёрҷониба  ва  қоидаҳои  савдо,   ҳамчунин  расмиятҳои  байналмилалии  ҳалли  баҳсу  мунозира  дар  мавриди  савдо  малака  пайдо  менамоянд. 
Хотирнишон  месозем, ки  курси таълимиро Маркази  байналмилалии  савдо  дар  ҳошияи   лоиҳаи  дастгирии  бахшҳои  давлатию  инфиродии Тоҷикистон  барои такмили донишу малакаҳо дар  бораи  имкониятҳо  ва  проблемаҳое, ки  аз  узвияти  Созмони   умумиҷаҳонии  савдо  бармеоянд,  ташкил  намудааст. Лоиҳаи  мазкурро  Ҳукумати  Швейтсария дар ҳошияҳои барномаи  ҳамкории бахши  савдо  дар  Тоҷикистон  маблағгузорӣ  мекунад. 

Апрель 7, 2014 16:34

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд