Ҳалокати ронанда дар роҳи Хуҷанд-Бӯстон

Душанбе, 14.04.2014. (АМИТ «Ховар», Муқаддас Темурзода).-Тавре ки сомонаи расмии ВКД хабар медиҳад, рӯзи 12 апрели соли ҷорӣ, тахминан соати 14:40-дақиқа, ронандаи мошини тамғаи «Opel — Astra», шаҳрванди 20 — солаи ноҳияи Мастчоҳ, Файзмаҳмад Ҳасанов ҳангоми ҳаракат бо роҳи мошингарди Хуҷанд-Бӯстон аз уҳдаи идораи воситаи нақлиёт набаромада, ба самти муқобили роҳ баромада, ба мошини тамғаи «Dulon», таҳти идораи ронанда Сироҷиддин Мирзоев, сокини 45 солаи ноҳияи Ҳамадонӣ бархӯрдааст.
  Тибқи иттилои манбаъ, дар натиҷаи садамаи мазкур ронандаи мошини тамғаи «Opel — Astra», Ф.Ҳасанов ҷароҳатҳои вазнини ҷисмонӣ бардошта, дар беморхона ба ҳалокат расидааст.