Ҳамкориҳои байнипалатагии Тоҷикистону Афғонистон
Душанбе, 03.04.2014. (АМИТ «Ховар», Кристина Эрлих). — Ҷанбаҳои муҳими ҳамкории байнипалатагӣ, аз ҷумла ташкил ва баргузории намоишгоҳи навбатии маҳсулоти Афғонистон ва бизнес форуми ҳайатҳои соҳибкорон дар Душанбе 2 апрел раиси Палатаи савдо ва саноати кишвар Шариф Саид ва директори Раёсати саноат ва пешрафти содироти Палатаи савдо ва саноати Афғонистон Мир Замон Попол дар Душанбе мавриди муҳокима қарор доданд. Дар ин бора аз ПСС ба АМИТ «Ховар» иттилоъ доданд.
«Тоҷикистон ва Афғонистонро муносибатҳои тиҷоратию иқтисодии дар асоси принсипҳои умумиъэтирофшудаи дӯстӣ, таърихӣ, забонӣ ва фарҳанги умуми алоқаманд мекунанд »,- гуфт Ш. Саид.
Мир Замон Попол таъкид намуд, ки «ҳамкории Афғонистон ва Тоҷикистон то ҷое фаъол буда, хусусан дар соҳаи тиҷоратию иқтисодӣ метавонад рушд кунад. Афғонистон — ин бозори озодест, тоҷирони Тоҷикистон метавонанд, бо кор кардан дар кишвари мо манфиатҳои назаррас гиранд.