Ҷаласаи ҳафтум корашро дар «Кохи ваҳдат» идома медиҳад

  Душанбе, 21.04.2014.(АМИТ «Ховар», Марзия Саидзода).-Тавре иттилоъ дода будем,  23 апрели соли 2014 дар шаҳри Душанбе  ҷаласаи ҳафтуми якҷояи  Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати чорум баргузор мегардад. 
           Ҷаласаи муштараки палатаҳои болоӣ ва поёнии Парлумон дар толори маҷлисгоҳи Маҷлиси Олии ҷумҳурӣ оғоз гардида, баъдан корашро дар  Маҷмааи давлатии «Кохи ваҳдат» идома медиҳад.
         Интизор меравад, ки  дар ҷараёни баргузории ҷаласаи ҳафтуми муштараки Маҷлиси  миллӣ ва Маҷлиси намояндагони Маҷлиси Олии Ҷумҳурии Тоҷикистон Президенти Ҷумҳурии Тоҷикистон Эмомалӣ Раҳмон ба Парлумони кишвар -Маҷлиси Олӣ бо Паёми навбатӣ «Дар бораи самтҳои асосии сиёсати дохилӣ ва хориҷии мамлакат» баромад намояд.