Ҷамъомади фарҳангӣ бо забони фаронсавӣ
Душанбе, 03.04.2014. (АМИТ «Ховар», Раъно Нусратуллозода).-Имрӯз бо ширкати ректори Донишгоҳи давлатии омӯзгории Тоҷикистон ба номи С.Айнӣ Абдуҷаббор Раҳмонов, Сафири Ҷумҳурии Фаронса дар Тоҷикистон Дидйе Леруа, директори Маркази фарҳангии «Бохтар» Тимоте де Байар, устодону донишҷӯёни факултаи забонҳои романию германӣ, ҳамчунин меҳмонони зиёд аз дигар муассисаҳои фаронсавизабони шаҳри Душанбе ва омӯзгорону толибилмони шуъбаҳои забони фаронсавии дигар макотиби олӣ бахшида ба Рӯзи байналхалқии забони фаронсавӣ, яъне «Франкофония» дар Донишгоҳи омӯзгорӣ чорабинии фарҳангӣ баргузор гардид.
Тавре ки Бахтиёри Абдураҳим-котиби матбуоти донишкадаи мазкур иттилоъ дод, дар ҳамоиш ректор А.Раҳмонов оид ба мақоми забони фаронсавӣ ва фарҳанги Фаронса дар олам сухан ронда, аз робитаҳои Тоҷикистону Фаронса изҳори қаноатмандӣ кард.
Дар идомаи ҷамъомад сафири Фаронса дар Тоҷикистон Дидйе Леруа аз даъват ва қабули гарми раёсати донишгоҳ изҳори сипос намуда, ба донишҷӯён муваффақият орзу кард.
Дар қисмати дуюми чорабинӣ донишҷӯёни шуъбаи забони фаронсавии факултаи забонҳои романӣ-германӣ бо забонҳои тоҷикию фаронсавӣ шеърҳо қироат намуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






