16 нафар шаҳрвандони ҶТ дар қабулгоҳи махсуси Краснодар
Душанбе, 29.04.2014. (АМИТ «Ховар, Лайло Тоирӣ). — То имрӯз 16 нафар шаҳрвандони Тоҷикистон дар қабулгоҳи махсуси кишвари Краснодар қарор доранд.
Бино ба хабари Намояндагии Хадамоти муҳоҷирати ҶТ дар ФР, муҳоҷирони зикршуда барои сукунати ғайриқонунӣ ва фаъолияти меҳнатӣ, ҳамчунин адами ҳуҷҷатҳои тасдиқкунандаи шахсият дастгир шуда буданд.
Мувофиқи суханони маъмури қабулгоҳи махсус П.Киселёв, зимни ҳамкорӣ бо хадамоти консулии Ҷумҳурии Тоҷикистон дар Русия ва Раёсати Хадамоти федералии муҳоҷирати Русия дар кишвари Краснодар барои се нафар шаҳрвандони ҶТ шаҳодатномаҳо дар бораи бозгашт ба ватанашон гирифта ва барои роҳандозии расмият манзури мақомоти судӣ карда шудаанд.
Ҳамчунин ба 6 нафар шаҳрвандон ёрии ҳуқуқӣ расонида шудааст.
Қобили зикр аст, ки баъди анҷоми мӯҳлати даҳрӯзаи ба мавқеи иҷро расидани ҳукми суд шаҳрвандони дигари зикршудаи ҶТ ба ватан фиристода мешаванд.