40 000 $ барои баргузории ниммарафон
Душанбе, 8.04.2014.(АМИТ «Ховар», Марзия Саидзода).- Шаҳрдории Душанбе барои ғолиби зинаи якуми V-умин ниммарафони байналмилалии Душанбе, ки 19 апрел дар Рӯзи пойтахт гузаронида мешавад, 3500 $ мукофот муайян кардааст. Дар асоси қарори шаҳрдории Душанбе Сарраёсати молияи шаҳри Душанбе муваззаф гардидааст, ки барои дар сатҳи баланди ташкилӣ доир намудани ин чорабинии варзишӣ 202 000 сомонӣ, муодил ба зиёда аз 40 000 $ ҷудо намояд. Ниммарафон байни калонсолон дар масофаи 21 километру 97 метр гузаронида мешавад. Хатти оғози ниммарафон маҳалли назди «Наврӯзгоҳ» буда, баъдан варзишгарон то дидбонгоҳи БДА «Чорбоғ» ҳаракат менамоянд. Ин чорабинии варзишӣ дар майдони «Дӯстӣ»-и назди муҷассамаи Исмоили Сомонӣ анҷом меёбад.
Иштирокдорони зинаҳои дуюми ниммарафон бо 3 000 $, сеюм 2,500 $, чорум 2000 $, панҷум 1800 $ ва ғолибони зинаи шашум 1500 $ cарфароз гардонида мешаванд. Дар соатҳои баргузории V-умин ниммарафони байналмиллалии Душанбе ҳаракати нақлиёт дар хиёбонҳои Рӯдакӣ, Ҳофизи Шерозӣ ва кӯчаи Карамов қатъ гардонида мешавад. Соли равон ниммарафони байналмилалии Душанбе дар рӯйхати мусобиқоти дави ҷаҳонӣ шомил карда шудааст. Интизор меравад, ки дар чорабинии байналмилалии варзишӣ аз кишварҳои Африқову Аврупо ва ИДМ варзишгарон иштирок намоянд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






