Академияи полиси Туркия довталабонро қабул менамояд

Апрель 30, 2014 16:36

Душанбе, 30.04.2014. (АМИТ «Ховар», Мавҷуда Анварӣ). —  Дар асоси шартномаи байни вазоратҳои корҳои дохилии Ҷумҳурии Тоҷикистон ва Ҷумҳурии Туркия, факултети илм ва бехатарии Академияи полиси Туркия довталабонро барои таҳсил қабул менамояд. Ҳуҷҷатҳо то санаи 20-уми июни соли 2014 қабул карда мешавад. Шарту шароитҳои таҳсил дар Академияи полиси  Туркия ин донистани забони туркӣ ва англисӣ (ҳатмӣ), мувофиқ будани довталабҳо ба шартҳои қабул, вазъи дурусти саломатӣ, корҳои шахсии довталабон бо забонҳои тоҷикӣ-туркӣ дар шуъбаи корҳои дохилии ҷои истиқомат ба расмият даровардан,  нусхаи шиноснома (хориҷӣ), 2 дона расми ҳаҷмаш ба сурати шиноснома баробар, маълумотнома аз ҷои истиқомат, аттестат ё маълумотнома оид ба хатми мактаби таҳсилоти умумӣ, деклоратсия бо имзои худи довталаб, ки аъзои ягон ҳизби сиёсӣ набошад, маълумотномае, ки довталаб ба ҷазои ҷиноятӣ кашида нашудааст, иборат мебошад.
 Ҷараёни таълими довталабон бо донишҷӯёни туркӣ ҷараён мегирад. Комиссияи тиббӣ ва қабули имтиҳонҳо дар Ҷумҳурии Туркия гузаронда мешавад.
Бақайдгирии довталабони ҷумҳурӣ дар сафоратхонаи Ҷумҳурии Туркия то 4-уми августи соли 2014 дар назар дошта шудааст. Довталабони тоҷик барои гузаштани муоинаи тиббӣ ва имтиҳонҳои қабул бояд на дертар аз 25-уми август дар Академияи полиси  Ҷумҳурии Туркия ҳозир бошанд.
Телефонҳо барои маълумоти иловагӣ:  227-61-94, 227 -65 -96

Апрель 30, 2014 16:36

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд