Анвар Юнусов соҳиби медали нуқра гардид

Душанбе, 14.04.2014. (АМИТ «Ховар», Зарангези Латиф).- Муштзани номии тоҷик Анвар Юнусов дар мусобиқаи XXXI байналмилалӣ оид ба бокс, ки ба хотираи мураббии машҳур Феликс Штамм дар Варшава баргузор шуд, соҳиби медали нуқра гардид.
Анвар Юнусов дар даври нахустин бар Артур Субҳонқулов (Русия), сипас бар Де Ҷесус Ҷодисон (Бразилия) ва бар Давид Оливер Ҷоус (Ирландия) ғолиб омад ва ба даври ниҳоӣ роҳ ёфт.
Аммо дар даври финал Анвар Юнусов аз Отар Ераносяни гурҷӣ мағлуб шуд ва ба гирифтани медали нуқра мушарраф гардид.
Бояд гуфт, ки дар ин мусобиқаи байналмилалӣ 98 мард ва 43 зан аз 23 кишвари олам ширкат доштанд.